2025 ஆம் ஆண்டு ராசி பலன்கள்
ஓம் தத்புருஷாய வித்மஹே
வக்ர துண்டாய தீமஹி
தந்நோ தந்தி ப்ரசோதயாத்
ஓம் தத்புருஷாய வித்மஹே மகாதேவாய தீமஹி தந்நோ ருத்ர பிரசோதயாத்
ஓம் யட்சராஜாய வித்மஹே
வைச்ரவணாய தீமஹி
தந்நோ குபேரஹ ப்ரசோதயாத்
குரு பிரம்மா குரு விஷ்ணு
குரு தேவோ மகேஸ்வர;
குரு சாஷாத் பரப்பிரம்மா
தஸ்மை ஸ்ரீகுருவே நமஹ
உங்களது தினசரி ராசி பலன்களை தவறாமல் தொடர்ந்து பெறுவதற்கு இந்த குழுவில் இணையவும் ...click here ...
Join this group to get your today zodiac results benefits regularly...click here ...
1,மேஷம் 
இனிதே துவங்கியிருக்கும் இந்த 2025 ஆம் ஆண்டில் மேன்மை நிலையை பெறப்போகும் மேஷ ராசி ஆத்ம உறவுகளுக்கு மார்ச் மாதம் வரை அபரிவிதமான முன்னேற்றத்தை காண்பீர்கள் பின்பு செப்டம்பர் மாதம் வரை அனுபவங்களை சேகரிப்பதற்காக சில சவால்களை காண்பீர்கள் செப்டம்பர் மாதத்தில் இருந்து டிசம்பர் மாதத்திற்குள் உங்கள் மனதிற்கு பிடித்தது போல் நிறைய நிகழ்வுகள் உங்களைச் சுற்றி நடப்பதை உணர்வீர்கள் அதன் பொருட்டு உங்கள் மனம் மகிழ்ச்சியில் திளைக்கும் திருமணம் ஆகாதவர்களுக்கு செப்டம்பர் மாதத்திற்கு மேல் திருமண யோகம் கை கூடுவதற்கு வாய்ப்புகள் உள்ளது அரசியல்வாதிகளுக்கு தொழிலதிபர்களுக்கு இந்த வருட இறுதிக்குள் உங்கள் நிலை மேன்மை அடைவதை நீங்கள் உணரும் வகையில் சில நிகழ்வுகள் நடக்கும் மார்ச் மாதத்தில் இருந்து செப்டம்பர் மாதம் வரை பெண்களுக்கு உஷ்ணம் சம்பந்தப்பட்ட உபாதைகள் வருவதற்கு வாய்ப்பு உள்ளது என்பதை உணர்ந்து உங்களது உடல் ஆரோக்கியம் மேம்படும் வகையில் உங்களது உணவு பழக்க வழக்கங்களை மேற்கொண்டால் உடல் நலம் பெறும் மேலும் குழந்தைகள் படிப்பில் பெற்றோர்கள் கூடுதல் கவனம் செலுத்த வேண்டும் மொத்தத்தில் இந்த ஆண்டு மேஷ ராசியில் பிறந்தவர்களுக்கு பலவிதமான மேன்மைகளை குவிக்கும் ஆண்டாக அமையும்
குறிப்பு :
மேஷ ராசியில் பிறந்தவர்கள் மேலும் நன்மைகளைப் பெற வணங்க வேண்டிய தெய்வம் மதுரை திருப்பரங்குன்றம் முருகப்பெருமானை வணங்கி வந்தால் உங்கள் வாழ்வில் நிச்சயம் மேன்மை நிலையை பெறுவீர்கள்
2,ரிஷபம் 
இனிதே துவங்கியிருக்கும் இந்த 2025 ஆம் ஆண்டில் புகழின் உச்சிக்கு செல்லவிருக்கும் ரிஷப ராசி ஆத்ம உறவுகளுக்கு உங்களது பொருளாதார நிலை பல மடங்கு உயரும் உங்களது உடல் ஆரோக்கியம் மேலும் சிறக்கும்
ஜூலை மாதத்தில் இருந்து டிசம்பர் மாதத்திற்குள் அபரிவிதமான யோகங்களை பெறுவீர்கள்
குழந்தை வரம் வேண்டி காத்திருப்பவர்களுக்கு இறைவன் அருளால் குழந்தை வரம் கிட்டும் அரசியல்வாதிகள் மற்றும் தொழிலதிபர்களுக்கு உங்களது முயற்சிகள் அனைத்தும் வெற்றி பாதையை நோக்கி செல்வதை உணர்வீர்கள் பெண்களுக்கு பொன் பொருள் சேர்க்கைகள் சேரும் உடல் ஆரோக்கியம் மேம்படும் குழந்தைகளுக்கு கல்வி மேம்படும் கொடுக்கல் வாங்கலில் சற்று கவனம் தேவை வாக்கு கொடுப்பதற்கு முன் சிந்தித்து செயல்பட்டால் நலம் பெறுவீர்கள் மொத்தத்தில் இந்த ஆண்டு ரிஷப ராசியில் பிறந்தவர்களுக்கு அபரிவிதமான யோகத்தையும் புகழின் உச்சத்தையும் பெறசெய்யும் ஆண்டாக அமையும்
குறிப்பு :
ரிஷப ராசியில் பிறந்தவர்கள் மேலும் நன்மைகளை பெற வணங்க வேண்டிய தெய்வம்
திருச்சி ஸ்ரீரங்கம் சென்று ரங்கநாதரை மனம் உருகி வழிபாடு செய்வது கூடுதல் பலன்களைப் பெறச் செய்யும் மேலும் பொருளாதார மென்மை மற்றும் புகழ் பெறுவீர்கள்
3,மிதுனம் 
இனிதே துவங்கியிருக்கும் இந்த 2025 ஆம் ஆண்டில் மின்னப் போகும் மிதுன ராசி ஆத்ம உறவுகளுக்கு பிப்ரவரி மாதம் வரை அனுபவங்களை சேகரிக்கும் வகையில் சில நிகழ்வுகளை சந்திப்பீர்கள் அந்த அனுபவத்தின் பலம் கொண்டு நீங்கள் ஆற்றும் அனைத்து செயல்களிலும் வெற்றி பெறுவீர்கள் அக்டோபர் மாதத்தில் இருந்து டிசம்பர் மாதத்திற்குள் நீண்ட நாள் நீங்கள் எதிர்பார்த்துக் கொண்டிருந்த நன்மைகளைப் பெறுவீர்கள் அரசியல்வாதிகள் மற்றும் தொழிலதிபர்களுக்கு மக்கள் செல்வாக்கு அதிகரிக்கும் அதன் பொருட்டு புதிய வாய்ப்புகள் உருவாகும்
பெண்களுக்கு பொருளாதாரத்தில் நல்லதொரு முன்னேற்றம் கிடைக்கும் குழந்தைகள் படிப்பில் பெற்றோர்கள் கூடுதல் கவனம் செலுத்த வேண்டும் நீண்ட நாளாக தொந்தரவு செய்து கொண்டிருந்த உடல் உபாதைகள் நீங்குவதை உணர்வீர்கள் மொத்தத்தில் இந்த ஆண்டு மிதுன ராசியில் பிறந்தவர்களுக்கு மின்னும் ஆண்டாக அமையும் அதன் பொருட்டு உங்கள் மனம் நிறைவு பெறும்
குறிப்பு :
மிதுன ராசியில் பிறந்தவர்கள் மேலும் நன்மைகளைப் பெற வணங்க வேண்டிய தெய்வம் திருச்செந்தூர் முருகப் பெருமானை வணங்கி வந்தால் உங்கள் வாழ்வில் நிச்சயம் மேன்மை நிலையை பெறுவீர்கள்
4,கடகம் 
இனிதே துவங்கியிருக்கும் இந்த 2025 ஆம் ஆண்டில் கடகடவென முன்னேறப்போகும் கடக ராசி ஆத்ம உறவுகளுக்கு உங்களது முன்னோர்களின் அனுக்கிரகத்தால் தொட்ட காரியம் அனைத்திலும் வெற்றி பெறுவீர்கள் மார்ச் மாதத்திலிருந்து ஜூலை மாதம் வரை அனுபவம் பெறுவதற்காக சில சவால்களை சந்திப்பீர்கள் ஜூலை மாதத்தில் இருந்து டிசம்பர் மாதத்திற்குள் உங்களது விடா முயற்சியின் விளைவாக மாபெரும் வெற்றிகளை சந்திப்பீர்கள் அரசியல்வாதிகள் மற்றும் தொழிலதிபர்களுக்கு நீண்ட நாள் நீங்கள் எதிர்பார்த்துக் கொண்டிருந்த நற்செய்திகள் வந்து சேரும் அதன் பொருட்டு உங்கள் மனம் மகிழ்ச்சியில் திளைக்கும் பெண்களுக்கு உங்களது உறவுகளுக்கு மத்தியில் உங்களது புகழ் ஓங்குவதை உணர்வீர்கள் குழந்தைகள் படிப்பில் நல்லதொரு முன்னேற்றம் இருக்கும் மொத்தத்தில் இந்த ஆண்டு கடக ராசி ஆத்ம உறவுகளுக்கு நீண்ட நாள் எதிர்பார்த்துக் கொண்டிருந்த அனைத்து நன்மைகளையும் பெறச்செய்யும் ஆண்டாக அமையும்
குறிப்பு :
கடக ராசியில் பிறந்தவர்கள் மேலும் நன்மைகளைப் பெற வணங்க வேண்டிய தெய்வம் மதுரை மீனாட்சி அம்மன் கோவிலுக்குச் சென்று மனம் உருகி வழிபடுவது கூடுதல் பலன்களைத் தந்து நீங்கள் முன்னேறுவதை உறுதிபடச் செய்யும்
5,சிம்மம் 
இனிதே துவங்கியிருக்கும் இந்த 2025 ஆம் ஆண்டில் சீறிப்பாய்ந்து சிகரம் தொட போகும் சிம்ம ராசி ஆத்ம உறவுகளுக்கு மார்ச் மாதம் வரை உங்களது திறமையை நீங்கள் உணராமல் செயல்பட்டுக் கொண்டிருப்பீர்கள் மார்ச் மாதத்தில் இருந்து நவம்பர் மாதம் வரை உங்களது திறமைகளை வெளிக்கொண்டுவரும் வண்ணம் சில சவால்களை சந்திப்பீர்கள் அந்த சவால்களின் அழுத்தத்தால் உங்களது முழு திறமைகளும் வெளிப்படும் மற்றும் இறை அருளும் இணைந்து அனைத்து சவால்களிலும் நீங்கள் வெற்றி பெற துணை நிற்கும் நவம்பர் மாதத்தில் இருந்து டிசம்பர் மாதத்திற்குள் உங்களது விடா முயற்சியின் விளைவாக நிச்சயம் சிகரம் தொடுவீர்கள் அரசியல்வாதிகள் மற்றும் தொழிலதிபர்கள் வார்த்தைகளில் மிகவும் கவனம் தேவை என்பதை உணர்ந்து செயல்பட்டால் நீங்கள் எதிர்பார்த்த உயர்வினை பெறுவீர்கள் பெண்களுக்கு உணவு பழக்க வழக்கங்களில் கவனம் செலுத்தினால் உடல் ஆரோக்கியம் மேம்படும் என்பதை உணர்ந்து செயல்பட வேண்டும் குழந்தைகள் படிப்பில் மிகுந்த கவனம் தேவை என்பதை பெற்றோர்கள் உணர்ந்து செயல்பட வேண்டும் மொத்தத்தில் இந்த ஆண்டு உங்களது விடாமுயற்சியின் விளைவாக உங்களது முழு திறமையும் வெளிப்பட்டு நீங்கள் சிகரம் தொடும் ஆண்டாக அமையும்
குறிப்பு :
சிம்ம ராசியில் பிறந்தவர்கள் கூடுதல் நன்மைகளைப் பெற வணங்க வேண்டிய தெய்வம் திருவண்ணாமலை சென்று கிரிவலம் மேற்கொண்டு அண்ணாமலையாரை மனம் உருகி வணங்கி வந்தால் கூடுதல் நன்மைகளைச் பெறலாம்
6,கன்னி 
இனிதே துவங்கியிருக்கும் இந்த 2025 ஆம் ஆண்டில் காலத்தை வெல்லும் கன்னி ராசி ஆத்ம உறவுகளுக்கு மே மாதம் வரை அனுபவங்களை சேகரிப்பதற்காக சில சவால்களை சந்திப்பீர்கள் மே மாதத்திலிருந்து டிசம்பர் மாதத்திற்குள் உங்கள் வெற்றிக்காக புதிய முயற்சிகளை தொடங்குவதற்கு வாய்ப்பு உள்ளது அரசியல்வாதிகள் மற்றும் தொழிலதிபர்களுக்கு இதுவரை நீங்கள் காணாததொரு அனுபவங்களை காண்பீர்கள் யாரும் மேற்கொள்ளாத புதிய முயற்சிகளை மேற்கொள்வீர்கள் அதில் நீங்கள் எதிர்பார்த்தப்படியான வெற்றியை பெறுவீர்கள் பெண்களுக்கு உங்களைச் சார்ந்தவர்கள் அனைவரும் உங்களைப் பாராட்டும் வண்ணம் நல்ல செயல்களை செய்வீர்கள் குழந்தைகள் படிப்பில் நல்லதொரு முன்னேற்றம் தெரியும் மொத்தத்தில் இந்த ஆண்டு காலத்தை வெல்லும் வகையில் பல ஆச்சரியங்களை காண்பீர்கள் அதன் பொருட்டு உங்கள் மனம் இனம் புரியாததொரு மகிழ்ச்சி பெறும்
குறிப்பு :
கன்னி ராசியில் பிறந்தவர்கள் கூடுதல் நற்பலன்களை பெற வணங்க வேண்டிய தெய்வம் சங்கரன்கோவிலுக்கு சென்று சங்கரநாராயணனை மனம் உருகி வழிபடுவது கூடுதல் நற்பலன்களை தரும்
7,துலாம் 
இனிதே துவங்கியிருக்கும் இந்த 2025 ஆம் ஆண்டில் துணிவே துணை என்பதை உணர்ந்து தொட்ட காரியம் அனைத்திலும் வெற்றி காணும் துலாம் ராசி ஆத்ம உறவுகளுக்கு பொருளாதாரம்,தொழில், புகழ் மற்றும் உடல் ஆரோக்கியம் சிறக்கும் மே மாதத்திலிருந்து டிசம்பர் மாதத்திற்குள் பொன் பொருள் சேர்க்கைகள் சேரும் வண்டி வாகனங்கள் சொத்து வீடு நிலங்கள் வாங்குவதற்கு வாய்ப்பு உள்ளது நீண்ட நாட்களாக நீங்கள் எதிர்பார்த்துக் கொண்டிருந்த நல்ல வாய்ப்புகள் உங்களைத் தேடி வரும் அரசியல்வாதிகள் தொழிலதிபர்களுக்கு மக்கள் புகழ் ஓங்கும் நீங்கள் எதிர்பார்த்துக் கொண்டிருந்த பதவிகள் உங்களுக்கு கிடைக்கும் உங்களது தொழில் விரிவடையும் பெண்களுக்கு உடல் ஆரோக்கியம் சிறக்கும் இனம் புரியாதொரு மகிழ்ச்சி நிறைந்த மன நிறைவை பெறுவீர்கள் குழந்தைகள் படிப்பில் நல்லதொரு முன்னேற்றம் தெரியும் குழந்தைகளின் மனநிலையில் நல்லதொரு முன்னேற்றம் தெரியும் குழந்தைகள் உடல் ஆரோக்கியம் மேம்படும் மொத்தத்தில் இந்த ஆண்டு முழுவதும் புத்தாண்டு கொண்டாட்டத்தை உணர்வீர்கள்
குறிப்பு :
துலாம் ராசியில் பிறந்தவர்கள் கூடுதல் நற்பலன்களைப் பெற வணங்க வேண்டிய தெய்வம் நிலக்கோட்டை அணைப்பட்டி ஆஞ்சநேயர் கோவிலுக்கு சென்று ஆஞ்சநேயரை மனம் உருகி வழிபடுவது கூடுதல் நற்பலன்களை தரும்
8,விருச்சிகம் 
இனிதே துவங்கியிருக்கும் இந்த 2025 ஆம் ஆண்டில் விருப்பங்கள் அனைத்தும் நிறைவேற போகும் விருச்சிக ராசி ஆத்ம உறவுகளுக்கு ஏப்ரல் மாதம் வரை அனுபவங்களை சேகரிப்பதற்கான சில சவால்களை சந்திப்பீர்கள் ஏப்ரல் மாதத்தில் இருந்து டிசம்பர் மாதத்திற்குள் உங்களது விருப்பங்கள் அனைத்தும் நிறைவேறுவதை காண்பீர்கள் அரசியல்வாதிகளுக்கும் தொழிலதிபர்களுக்கும் உங்களது விருப்பங்கள் அனைத்தும் நிறைவேறும் நீங்கள் எதிர்பார்த்த பதவி உயர்வினை பெறுவீர்கள் உங்களது தொழில் விரிவடையும் பல நன்மைகளை காண்பீர்கள் பெண்களுக்கு ஏப்ரல் மாதம் வரை கபம் (சளி) சம்பந்தப்பட்ட உபாதைகள் வருவதற்கு வாய்ப்புள்ளது என்பதை உணர்ந்து குளிர்ந்த உணவுகளை தவிர்த்தால் உடல் ஆரோக்கியம் பெறும் குழந்தைகளுக்கு படிப்பில் மிகுந்த கவனம் தேவை என்பதை பெற்றோர்கள் உணர்ந்து செயல்பட வேண்டும் மேலும் குழந்தைகள் உடல் ஆரோக்கியத்திலும் பெற்றோர்கள் கவனம் செலுத்த வேண்டும் மொத்தத்தில் இந்த ஆண்டு விறுவிறுவென விருப்பங்களை நிறைவேற்றும் ஆண்டாக அமையும்
குறிப்பு :
விருச்சிகம் ராசியில் பிறந்தவர்கள் கூடுதல் நற்பலன்களைப் பெற வணங்க வேண்டிய தெய்வம் பழமுதிர்ச்சோலை முருகன் கோவிலுக்கு சென்று முருகனை மனம் உருகி வழிபடுவது கூடுதல் நற்பலன்களை தரும்
9,தனுசு 
இனிதே துவங்கியிருக்கும் இந்த 2025 ஆம் ஆண்டில் தாராளமான நன்மைகளைப் பெறவிருக்கும் தனுசு ராசி ஆத்ம உறவுகளுக்கு பிப்ரவரி மாதம் வரை சற்று உடல் சோர்வும் மனசோர்வும் ஏற்பட வாய்ப்புள்ளது பிப்ரவரி மாதத்தில் இருந்து டிசம்பர் மாதம் நிறைவுக்குள் நீண்ட நாள் இருந்த சில மன வருத்தங்கள் அனைத்தும் சூரிய ஒளியை கண்ட பனிபோல் விலகி புதுவிதமான புத்துணர்வு பெற்று பல மடங்கு நன்மைகளை காண்பீர்கள் அரசியல்வாதிகளுக்கும் தொழில் அதிபர்களுக்கும் உங்களது எதிர்பார்ப்புகள் அனைத்தும் நிறைவேறும்படியான நல்ல நிகழ்வுகளை காண்பீர்கள் பெண்களுக்கு உடல் ஆரோக்கியம் மேம்படும் பொன் பொருள் சேரும் குழந்தைகள் படிப்பில் நல்லதொரு முன்னேற்றம் தென்படும் மொத்தத்தில் இந்த ஆண்டு நிறைவுக்குள் தாராளமான நன்மைகளை காண்பீர்கள்
குறிப்பு :
தனுசு ராசியில் பிறந்தவர்கள் கூடுதல் நற்பலன்களை பெற வணங்க வேண்டிய தெய்வம் சோழவந்தான் குருவித்துறை சென்று குரு பகவானை மனம் உருகி வழிபடுவது கூடுதல் நற்பலன்களை தரும்
10,மகரம் 
இனிதே துவங்கியிருக்கும் இந்த 2025 ஆம் ஆண்டில் சிகரம் தொட போகும் மகர ராசி ஆத்ம உறவுகளுக்கு இந்த ஆண்டு ஒரு பொன்னான ஆண்டு என்பதை உணர்த்தும் வகையிலான பல நன்மைகள் நிகழும் மேலும் நீண்ட நாள் நிறைவேறாத ஆசைகள் அனைத்தும் இறைவன் அருளால் கை கூடும் வீடு வாகனம் சொத்து சேர்க்கைகள் சேரும் அரசியல்வாதிகள் மற்றும் தொழிலதிபர்களுக்கு சற்றும் நீங்கள் எதிர்பார்க்காத ஒரு மாபெரும் முன்னேற்றத்தை பெறுவீர்கள் மேலும் உங்களது புகழ் ஓங்கும் பெண்களுக்கு பொன் பொருள் சேர்க்கைகள் சேரும் உடல் ஆரோக்கியம் மேம்படும் அதன் பொருட்டு மனம் மகிழ்ச்சி பெறும் குழந்தைகளுக்கு படிப்பில் சற்று கவனம் தேவை என்பதை உணர்ந்து பெற்றோர்கள் செயல்பட்டால் குழந்தைகள் அது படிப்பு மேன்மை பெறும் மொத்தத்தில் இந்த ஆண்டு சிகரம் தொடும் வகையிலான பலவிதமான முன்னேற்றங்களையும் மனநிறைவையும் பெறச் செய்யும் ஆண்டாக அமையும்
குறிப்பு :
மகர ராசியில் பிறந்தவர்கள் கூடுதல் நற்பலன்களை பெற வணங்க வேண்டிய தெய்வம் குச்சனூர் சனி பகவான் கோவிலுக்கு சென்று சனீஸ்வர பகவானை மனம் உருகி வழிபடுவது கூடுதல் நற்பலன்களை தரும்
11,கும்பம் 
இனிதே துவங்கியிருக்கும் இந்த 2025 ஆம் ஆண்டில் குபேர யோகம் பெறப்போகும் கும்ப ராசி ஆத்ம உறவுகளுக்கு மே மாதம் வரை நல்லதொரு அனுபவங்களை பெறுவதற்காக சில சவால்களை சந்திப்பீர்கள் மே மாதத்திலிருந்து டிசம்பர் மாதம் நிறைவுக்குள் அந்த அனுபவங்களின் உதவி கொண்டு உங்களது முயற்சிகள் அனைத்தும் மாபெரும் வெற்றி பெறும் அரசியல்வாதிகள் மற்றும் தொழிலதிபர்களுக்கு தொழிலில் நீங்கள் எடுத்து வைக்கும் ஒவ்வொரு அடியையும் மிகுந்த கவனத்துடன் எடுத்து வைக்க வேண்டும் என்பதை உணர்ந்து செயல்பட்டால் நீங்கள் எதிர்பார்த்தப்படியான பல முன்னேற்றங்களை காண்பீர்கள் குழந்தைகளுக்கு படிப்பில் நல்லதொரு முன்னேற்றம் கிடைக்கும் உடல் ஆரோக்கியம் சிறக்கும் பெண்களுக்கு உறவுகளுக்கு மத்தியில் உங்களது புகழ் ஓங்கும் அதன் பொருட்டு நல்லதொரு மனநிறைவை பெறுவீர்கள் மொத்தத்தில் இந்த ஆண்டு நிறைவுக்குள் குபேர யோகம் பெறுவீர்கள்
குறிப்பு :
கும்ப ராசியில் பிறந்தவர்கள் கூடுதல் நற்பலன்களைப் பெற வணங்க வேண்டிய தெய்வம் திருநள்ளாறு சென்று சனீஸ்வர பகவானை மனம் உருகி வழிபடுவது கூடுதல் நற்பலன்களை தரும்
12,மீனம் 
இனிதே துவங்கியிருக்கும் இந்த 2025 ஆம் ஆண்டில் மின்னல் வேகத்தில் முன்னேற போகும் மீன ராசி ஆத்ம உறவுகளுக்கு இந்த வருடம் ஆரம்பமே உங்களுக்கு அதிர்ஷ்டத்தை பெறச் செய்யும் அக்டோபர் மாதத்தில் இருந்து நவம்பர் மாதத்திற்குள் சற்றும் நீங்கள் எதிர்பார்க்காத ஒரு மனநிறைவை பெறுவீர்கள் அரசியல்வாதிகளுக்கு மற்றும் தொழிலதிபர்களுக்கு நீங்கள் நினைத்தது அனைத்தும் கைகூடும் மக்கள் செல்வாக்கு உயரும் பெண்களுக்கு அரசு சம்பந்தப்பட்ட உதவிகள் கிடைக்கும் உங்கள் மனதிற்கு பிடித்தவாறு பல நல்ல நிகழ்வுகளை பெறுவீர்கள் குழந்தைகள் படிப்பில் நல்லதொரு முன்னேற்றம் நிகழும் குழந்தைகளது உடல் ஆரோக்கியம் மேம்படும் மொத்தத்தில் இந்த ஆண்டு மின்னல் வேகத்தில் உங்களுக்கு யோகங்களைக் கொண்டு வந்து குவிக்கும் ஆண்டாக அமையும்
குறிப்பு :
மீன ராசியில் பிறந்தவர்கள் கூடுதல் நற்பலன்களைப் பெற வணங்க வேண்டிய தெய்வம் பிள்ளையார்பட்டி சென்று கற்பக விநாயகரை மனம் உருகி வழிபடுவது கூடுதல் நற்பலன்களைத் தரும்
உங்களது தினசரி ராசி பலன்களை தவறாமல் தொடர்ந்து பெறுவதற்கு இந்த குழுவில் இணையவும் ...click here ...
Join this group to get your today zodiac results benefits regularly...click here ...
அடியேன் கணித்த 2025ஆம் ஆண்டு ராசிபலன் எத்தனை சதவீதம் துல்லியமாக இருக்கும் என்பதை பற்றிய விளக்கம்.
1,கோச்சார கிரக நிலை மற்றும் கிரக பயிற்சிகளின் அடிப்படையில் கணிக்கப்படும் 2025ஆம் ஆண்டு ராசிபலன் - 33%சதவிகிதம் துள்ளியமாக இருக்க வாய்ப்புள்ளது .
2,உங்களது அன்றாட வாழ்க்கை முறை, உங்களைச் சார்ந்தவர்கள்,மற்றும் நீங்கள் வசிக்கும் சூழல், சூழ்நிலை - 33% சதவிகிதம் செயல்படும்.
3,இறைவன் மீதான உங்களது அசைக்க முடியாத முழு நம்பிக்கையும் உங்களது நேர்மறையான எண்ணங்களும் - 33%சதவிகிதம் செயல்படும்.
இந்த மூன்று நிலைகளையும் இணைத்தால் நமக்கு கிடைப்பது 99%சதவிகிதம் மட்டுமே.
மீதமுள்ள அந்த 1%ஒருசதவிகிதம் உங்களது சஞ்சிதகர்மா, ப்ராப்த்த கர்மா, ஆகாமியகர்மா.
நீங்கள் செய்த பாவ புண்ணியங்களின் அடிப்படையில் இயங்கும் உங்களை இயக்கும்.
இன்று நீங்கள் செய்யும் புண்ணியமே உங்களது பிராப்தகர்ம வினையிலிருந்து உங்களை காக்கும்.
அதன் பொருட்டு
உங்கள் வாழ்க்கையில் 99%சதவிகிதம் பிரச்சனைகள், துன்பங்கள் இருந்தாலும்.நீங்கள் செய்யும் புண்ணியத்தின் வலிமை அந்த ஒரு சதவீதத்தை இயக்கி உங்கள் வாழ்க்கையை சொர்க்கமாகவும், வளமானதாகவும் மாற்றும். என்பதை உணர்ந்து அனைத்து உயிர்களிடத்திலும், கருணை உணர்வுடனும், நன்றி உணர்வுடனும் வாழப்பழகுவோம் ...
தர்மமே கருமத்தை கரைக்கும் ...
இதுவே அடியேனின் தாழ்மையான கருத்து...
சர்வமும் சிவார்ப்பணம்
ஓம் நமசிவாய சிவ சிவ
உங்களது ராசி நட்சத்திரத்தையும் மற்றும் ஜாதக விவரத்தையும் தெரிய வேண்டுமானால் இந்தத் தளத்தை பயன்படுத்தலாம்.
உங்கள் காலக்கணிதர் ஆனந்த குரு அய்யனார் யோகி
வாழ்க வளமுடன்
ஓம் நமசிவாய சிவ சிவ
